今日好難得，小姐跳舞班改左時間，聽日先上堂，
我地本身諗住係屋企Hea足一日（休息一下）
但我見天氣咁好，又⋯⋯忍唔住想出下去
諗起上年完全冇時間去見識向日葵🌻花園，
所以今日就決定去影下相
我地係 下午4點到達的，因為無咁熱～～哈
我地係由元朗市中心 搭的士 去到石湖圍巴士站落車 ，如果的士哥哥唔識，
可以講小磡村附近落車（車費$80) 市區入來的話， 係元朗西鐵站出發係最近的
另外可以係元朗坐 〖紅色小巴17號〗，〖綠色小巴78號〗，〖巴士76K〗
亦都係石湖圍巴士站落車
落車後，過對面馬路↓↓↓↓↓↓↓↓↓
你就會見到 『信芯園』指示牌↓↓↓↓↓↓
一直沿路都有小小的指示牌
行人路都比較窄，所以要小心，不過我同大爺咁大隻，都行得輕鬆，但就要拖實小朋友
大約行5分鐘，你就會見到向日葵🌻喇
心情會變得好興奮
入園門口亦有小小指示牌，
我地向小賣部出發，要買番支向日葵🌻
係眾多向日葵🌻 中，揀選一支 （$40一支，$100三支），
一定支持一下 向日葵🌻花園主，免費開放比大眾市民 參觀，影相
向日葵🌻花又圓又大又靚，好鍾意呀
之後我地就去左園區指定 的 向日葵🌻花田影相
記得一定一定要去指定的位置影！
雖然我地入園時間比較晏，但都有好多人，
影相位置有限，都要排一排隊，不過都好快的
天氣好熱，園區都有汽水，$10一罐
玩到大約6:00我地就離開，出到去雖然人多，但超多小巴，唔洗排隊
都可以好快搭車出番去元朗市中心
交通比去下白泥 影日落 更方便
返到屋企，即刻將向日葵🌻安放好，靚靚靚靚靚靚靚靚呀～
