2016 的第一日

今日係2016既第一日，一年前....我開左呢個專頁，懶惰既我唔係成日都會update,但好多謝呢個空間記錄自己既一切。
結婚前，我連屋企個爐點開我都唔識，洗菜？醃肉？煲湯？簡直係白痴😑😑😑
開始的起心肝學煮飯係小姐開始食固體食物，而且眼見身邊一啲比我大既朋友佢地照顧個家照顧得咁好，我好欣賞佢地咁叻，令自己好想挑戰一下其實我可唔可以做位賢妻良母。但最重要既係，0係 Facebook group 識到班廚具敗婦，成日話 「😝買靚廚具送廚藝😝」

當然啦，買得多就好想用，好想用就會用心學，學識就整比大爺小姐食，佢兩位又會讚亦會比意見我，令我就算返工返得幾累幾辛苦都會煮飯比佢地食。所以佢地係我入廚房既☀️最大動力☀️

雖然我既煮藝都仲係低B班，但我會努力學習

今日就學左個靚湯，菜檔靚姐教Ka!
(海底椰栗子粟米紅蘿蔔蜜祖肉眼湯)
呢個湯超甜超好味呀！潤喉除濕毒，而且用肉眼煲湯一啲油都冇，好清甜呀😋😋😋