「✨在職mama的 放工後現代生活✨」

「✨在職mama的 放工後現代生活✨」

看似簡單，但我已經好滿足。
小時候，擁有快樂係好 簡單既事.....💓
長大了，擁有簡單既事 已經好快樂.....💓

放左工.....趕頭趕命接埋小姐再一齊衝去街市買餸，看似簡單既三個餸...雖然賣相一般，但充滿住我既愛心同心機去煮，堅持番工係我既原則，但我亦都要盡我老婆，媽咪既責任照顧屋企，至少煮到個晚餐。

返學好累好花精神既小姐；返工出盡腦汁既大爺，每晚返到屋企，就有熱辣辣既飯餸入口，係呢大約30-40分鐘既晚餐裡頭，互相分享一下今日發生既事。

小姐講下上堂小息既趣事；大爺講下返工既辛勞&事非😂😂😂

晚飯後大家休息半小時，睇套愛回家，就各有各忙碌，小姐溫書，大爺對功課，我洗碗.....到晚上既九點半左右，家中又變得寧靜，同小姐傾下心事佢就訓覺豬，我就沖涼，大爺就開機洗衫，沖好涼既我就上下Facebook或做下自己既事～

#在職mama好地坊
#愛回家

💗💗💗上海之旅...我和kitty相遇💗💗💗

上海開左間Hello Kitty 餐廳,當然要去潮聖一下啦！一上到去原來兩層呀有。門口既大kitty當然係影相位啦！

果日我地三點先到，所以就去食甜品，狂影相，其實呢間上海kitty 餐廳開左三個月，所以冇咩紀念品買🙄🙄（想買野既病態）

但經理好好。佢知道我地由香港黎，佢比左開業時送比客人既紀念品比我地，好靚呀！代表到上海kitty 餐廳既色彩！服務態度又超讚呀！

下次返上海我一定要再去食晚餐（西餐）

值得去既指數：⭐️⭐️⭐️⭐️⭐️⭐️⭐️⭐️⭐️
💗💗💗滿分呀！！

#上海 #Hellokitty #超靚呀 #潮聖
#在職mama好地坊

～🌸🌸上海賞櫻🌸🌸～估唔到幾靚喎😂

今次返上海，撞正上海櫻花節，上海顧村公園比較出名，所以二伯爺就帶我地去見識見識

地鐵站一出行5分鐘就到公園門口，但要買入場卷Ka $20

🌷🌷入到公園........愈行愈入.....個公園超級大，我地足足行左三個鐘都.....未行得晒呀！😩😩

🌸🌸櫻花雖然比唔上日本果啲茂盛同大朵，但比啲心機影，其實效果就好似去左日本賞櫻一樣！🌺🌺

🍃🍃公園好多草地🌳🌳🌲🌲，好多人去野餐，而且所有人都好有公德心，地下冇垃圾，冇大媽拉啲櫻花落黎影相，一啲開得較為靚既🌸🌸櫻花區🌸🌸，所有人都好禮讓影完相會彈開😂😂😂

另外果到有間🌸櫻花紀念品館🌸，雖然啲野幾靚，但我個喼冇晒位（唔係我買得多野，係親戚太好客了🙈🙈）

呢次影左超多相，揀左幾張同大家分享

#上海 #賞櫻 #櫻花
#勁靚 #顧村公園
#上海櫻花節
#在職mama好地坊

女人應該去過的～⭐️葵涌廣場⭐️～

女人應該去過的～⭐️葵涌廣場⭐️～

之前在職mama 我有一年時間係葵芳返學，想當年葵涌廣場已經超多野食，啲食店都算抵食又好味。

剛剛既星期日同小姐去葵芳新都會既梳乎蛋cafe 食lunch ，當然順便去埋對面葵涌廣場啦！

因為未到換季月份，都冇乜岩心水既衫買，但食店方面開左好多小食店，好多都大排長龍呀！本身想食大大塊日本燒薄片，但點知要等半小時😱😱😱

再戰近來好出名「問卷」既 海膽手卷，因為食左lunch 唔夠兩個鐘，所以我只係order一格$45！！ 😋😋😋海膽新鮮，壽司飯夠實，只係紫菜唔係好脆。如果肚餓既話我一定order三格海膽😋😋😋

一格$45其實都好full

好可愛既等候牌-等左三分鐘左右

另外仲食左最原始既牛油撈粟米，中學時期紅極一時既小吃😆😆😆

過多兩個月要再去葵涌廣場，唔係為左食呀！係為左去入貨換季呀！女人！買衫真係好緊要Ka!

#海膽 #問卷 #葵涌廣場
#在職mama好地坊