5月2日出左街，唔知係咪長時間係室內，又冇帶外套，返到屋企已經咳多左，到夜晚我不停咳，根本訓唔到，咳到嘔左兩次，到唔知幾點（開始有陽光）我先訓左一陣，到8點終於頂唔順要sick leave睇醫生，9點出到市中心診所拎籌，等到9:30先拎到
😞😞，姑娘話要12:30輪到我，我去左食個早餐再行番屋企，過一陣又出番去睇，點知最後13:30我先睇完醫生拎到藥。
😞😞，姑娘話要12:30輪到我，我去左食個早餐再行番屋企，過一陣又出番去睇，點知最後13:30我先睇完醫生拎到藥。
已經好唔舒服既我，又唔敢食藥，因為過一陣小姐就放學，一定要番黎唔可以係奶奶屋企，又唔敢同老爺奶奶講我好累，怕佢地擔心，小姐又要溫默書又要做功課，諗起夜晚唔知煮唔煮到飯....
突然之間我好似傻左咁係車到喊左出黎，好大壓力！Sick leave已經返唔到工又做唔好啲野！病又要等大半日先睇到醫生，睇完又唔敢食藥因為冇時間訓覺，夜晚又唔知食完啲藥會唔會好又咳到訓唔到第二日返工又冇精神........
做亞媽，冇時間比你病，就算病都冇時間休息！！
果一刻.....好想大爺係我隔離！我咩都唔想諗攬住佢喊就算、但大爺要返工ka......
到夠鐘接小姐時....一見到小姐跑過黎我到，我成個人鬆晒咁！或者呢啲就係媽媽的力量！
就算自己本身幾軟弱都好！一回復媽媽身分時就會堅強起來！
最後，大爺一收工衝番黎屋企，而呢10粒藥令我好番好多有覺好訓！
