留低美好一刻，母親節戶外 親子攝影

做左媽咪後，相機，手機都是小姐 或 兩父女的照片，

有時想搵張我同亞女，或者全家幅都難呀⋯⋯

近年愈來愈來多 親子攝影，媽媽都開始心思思，本身自己都擁有高階相機，什麼大光圈，淺景深自己都拍得到

但一家人去玩。去行下公園，又有攝影師從旁幫忙拍攝 實屬難得，我真係 好少好少 同小姐出街玩  係 唔帶相機之餘，仲唔洗不斷比人係咁大叫：「媽咪，媽咪，呢到好靚，幫我影呀！」又或者 ：「老婆老婆，幫我同亞女影番張呢～」 又或者⋯⋯ 大爺幫我影完 ，我睇見張相⋯⋯就反晒白眼，再道出一句：「點解你影相咁差」我唔上鏡啫，但亞女都比你影到拿埋一舊舊果下好野啊（哭）

今次難得有攝影師之下，選址到大埔海濱公園影相，慶好·當日 陽光普照，有點涼風，我當然要同亞女襯好Dress code 啦，小姐話要著粉紅色，當然冇問題啦（生女的好處，哈）

或者，你地平時覺得小姐好合作或好上鏡，但事實係⋯⋯佢唔係太易影的，因為小朋友係好難控制的，佢就算自願企定定要求你影佢，都需要識得捕捉到佢最可愛一刻，做父母既，影慣晒，呢一點當然冇難道啦，但一位陌生既攝影哥哥，可以好快了解到小姐，幫佢影出最自然最好的一刻

今次要多謝  Je Reve Photography  佢既攝影風格我好鍾意，清新自然，色調也令人感到很舒適的，而且攝影技巧好到，把我由500磅，拍成 只剩下300磅的 效果～哈

＾好多年冇低炒拍攝的媽媽我，不敢讚嘆可以擁有這張相片呢～

最後⋯⋯當然唔少得兩公婆的合照吧，平常都沒有機會 有人幫忙影合照，何況是如此肉麻 兼 要洗眼的⋯⋯的艷照呢～嘻嘻嘻😜