2016年8月23日 星期二

屬於自己的💕「休閒下午」💕


今個暑假，放左好多日假陪小姐去玩，
由於放多左假.......
所以要追番工作進度，都幾吃力，
決定今日容許自己放半天假，
去high tea, 比自己輕鬆一下。
    
偶然........比自己放空，叉叉電，
咁就會有更多力量，
繼續面對我既工作 &家庭😊😊
今日，係真正屬於自己既半天假期




張貼者： 於
標籤： , ,

2016年8月21日 星期日

😂😂我媽子........好可愛既呢😂😂😂


之前同媽子傾開煮飯既話題，同佢講我家既蒸焗爐好好用，點知今日我媽子whatsapp我，同我講.......
媽子：「女呀，我忍唔住買左你講果個蒸爐呀，仲幫你儲埋分呀，你睇下個爐～」
我就download 張圖黎睇下啦⋯⋯
點知..............（請看圖（1））
我：「亞媽....我個蒸爐係咁ka😂😑😑
😂」

張貼者： 於
標籤：

2016年8月14日 星期日

害怕入魚檔區的煮婦


真係好耐，好耐冇係星期日煮飯喇😜
今日一啲活動都冇（難得）😆
可以遊閒咁去街市買餸，煲湯
今日初嘗肥媽 今個夏天食平D. 既
✨「豉椒炒迷你象拔蚌」✨







去到街市，我........要進入我最怕😰😰既魚檔區，鼓起最大既勇氣行埋去，好在海鮮檔姐姐好好人，教我返去點樣處理。（話晒我第一次買&整象拔蚌）🙈🙈🙈
💗💗簡簡單單又一餐💗💗
張貼者： 於
標籤： ,

如果.......... 係一個商場消費三百元

😌😌 如果..........
係一個商場消費三百元，
換一次遊戲卷，
遊戲時間大約需時3分鐘完成
以下純屬個人意見，不喜勿插.........
1. 玩商場指定遊戲要消費指定金額我覺得合情合理👍🏻👍🏻👍🏻
2. 但每個遊戲只可以玩一次對小朋友黎講太少，玩完小姐都唔知發生緊咩野事。唔怪得我食lunch間鋪頭知道我落去玩遊戲就幫我分單（$809，分左兩張單），比我可以玩兩次。換遊戲卷時，工作人員一而再再而三咁提醒我，一張遊戲卷只係一次性完成三個挑戰遊戲。
3.我明白比錢消費唔係大晒，但只少可以限時間，比小朋友多啲啲時間感受一下咁色彩繽紛既遊戲。
4.我唔係怪獸家長，唔係話比$大晒要玩起碼10次8次先抵。我亦好少覺得冇引，但今次的確感受深刻。
5. 最後我問小姐玩唔玩多次，小姐諗左一陣問我：「係咪都係好似前兩次咁快出番黎？」我話係，小姐就話：「媽咪，唔洗喇。」
6. 如果對以上感受有懷疑，可以親自試下。
7. 影相黎講，效果唔錯👍🏻👍🏻👍🏻
8.另外佢有個扮奧運小記者遊戲短片，幾有趣，值得一讚👍🏻（但唔記得係遊戲區外定區外）
9. ✨呢個故事令我明白到，原來迪士尼門票一啲都唔貴 🙈

                                          

張貼者： 於
標籤： , , ,

2016年8月13日 星期六

我家大爺自家製雪條😆😆


平，靚，正。
想食咩味，就整咩味。
想幾時食都得。
雪條架購自 12蚊店 （好易脫模）推介💗 ✨（由大爺提供用後意見）
✨










張貼者： 於
標籤： , ,

2016年8月10日 星期三

今晚終於忍唔住....我要煮飯呀！


因為.......
小姐放暑假都好少返黎屋企，多數係爺爺家過夜，初初....我好興奮，因為終於唔洗日日煮飯，好爽咁.....但日子耐左.....出街食得多（或食得多煮米粉果啲）真係唔多舒服😞😞😞
所以今日我要同自己講，點都好！一定一定要煮飯！！！
今日都有OT,所以就煮一啲只需要用蒸焗爐既餸菜，咁就可以勁快開到飯喇！！
✨涼伴芝麻醬秋葵👈🏻呢個勁快，入爐蒸4分鐘搞掂，又爽脆又清甜
✨土魷蒸肉餅👈🏻醃好晒，等大爺打比我話上左車就隊入蒸焗爐到20分鐘搞掂
✨洋蔥蕃茄粟米湯👈🏻呢個就有啲啲煩，不過之前成日食街外野，煲個素菜湯清清腸胃，我放左三大隻洋蔥，所以超甜呀！


張貼者： 於
標籤： ,

2016年8月9日 星期二

😝我家小姐覺得好好玩之--蠟筆小新Summer Challenge


我覺得咁多個商場都有擺卡通展，但呢個就有互動性質，又有野玩，唔係齋影相🙈
*Total 3款遊戲
*大型「SIR滑梯」--因為夠高，滑落黎夠快夠刺激，所以都多人排，因為好好玩既關係，小姐玩左超多次
*大型吹氣競技球--每次玩一轉，小朋友爬入個大波波到，不停推不停爬，令個波波到達指定終點，雖然好玩，但小姐話有啲焗，哈
*另一個遊戲唔介紹喇，因為冇人排（想知道原因可以去睇下😉）
玩完三個遊戲就有一張貼子送😆都幾靚ka
                                             

張貼者： 於
標籤： ,
訂閱： 文章 (Atom)