築地。山貴水產市場

今日在職mama有幸去潮聖一下剛開業既~~ 築地。山貴水產市場,YEAH~~~~~~~




築地。山貴水產市場分別有: 
立吞區;   海鮮（魚生）丼區；   浜燒區 ;   仲有小食日本龍蝦包 &墨魚汁海膽包。

今日在職mama就試左 ..................

1. 立吞區既手握手壽

被安排係海景位置

   

    

整個立吞區有7成位置都係可以望到海，一邊企一邊食邊望海都已經夠正；壽司我叫左set再另外追加兩款壽司，味道係點？我覺得正(係好難形容)，而且值得一試，因為所有材料夠新鮮(梗係啦,由日本直送的)，尤其係油甘魚入口即溶，油份甘香，北海道海膽更加鮮甜，三文魚魚子一啲都唔腥。立吞區既壽司我會再去，因為我一邊打呢篇野都已經掛住

                 

2. 魚生丼

講到明係丼 即係魚生刺食飯，個木桶餐盒好大，份量都好多
            

兩個人食一客都好夠飽，但係......驚喜一般，水準我覺得普遍左啲，不過就有得坐抵慢慢食，如果唔想食太飽既可以唔選擇呢個區域，因為立吞區壽司更驚喜，或者剛開業，所以有待進步。

3.龍蝦包&墨魚汁海膽包

呢兩款包簡直係相機食先啦！龍蝦包有分「半隻龍蝦肉」&「一隻龍蝦肉」既價錢，在職mama我叫左一份龍蝦肉既份量，麵包外皮夠鬆脆內裡亦夠軟熟，龍蝦肉亦都冇hea你，啖啖濃濃的龍蝦肉，再配上獨特沙律醬汁&沙律菜。直得一試（區內你會見到好多人都拎住個包邊行邊食邊等位）好受歡迎ka。

另外一款墨汁海膽包，真心愛海膽的你一定一定要試，造型已經贏在起跑線啦，佢有外表之餘仲有內在美，令我有啲意亂情迷tim  (可能有啲誇張，不過對海膽情意結太深喇，食到新鮮好味既，都會情不自禁表露出黎）

呢個區域係由前天氣女朗 黃婉曼 負責製作&供應而且日日新鮮出爐ka，網上資料亦都提及過佢係日本修讀左一個藍帶麵包課程。

可惜既係......冇試到浜燒區，因為.......我已經食得太飽喇，我怕太飽影響味蕾，所以放棄左，不過唔緊要，我相信自己會再去多次

香港擁有一個屬於自己既築地。山貴水產市場，真係好幸福呀。

未完Ka~~~~~~,築地。山貴水產市場仲有乾貨部, 水果部, 我呢...就忍唔住買左少少手信番屋企(真係當自己去左東京咁,哈哈)就係..........".香印青提`" ,哈哈,打呢篇BLOG時仲未食KA,食完再同大家分享一下

⚡️🌦在8號風球下起飛🌪🌪💦

⚡️🌦在8號風球下起飛🌪🌪💦

當知道個風球🌬🌬愈來愈接近香港，見到啲航班cancel左一班又一班😱😖，其實我都盡量同自己講平常心💪🏻💪🏻，要相信自己一定一定可以上到機飛去首爾會合同事。🙌🏻

好好彩❤️，一早冇收到CX notice (no news=good news) 5:00出門口，冇乜風又冇落雨，去到機場6:00，食埋早餐，拎埋wifi蛋🇰🇷🇰🇷

07:30正式上機，冇delay，
好順利咁到達首爾喇。

**辛苦晒大風大雨都係戶外工作人員

#8號波 #颱風 #冇delay #首爾
#在職媽媽 #在職mama好地坊

小朋友好簡單😄😄

比個草地佢亂跑，都已經好開心
而我........見到小姐跑得咁開心
心情都好愉快😊😊

              南昌公園

今日訓到晏一晏，食完個brunch，小姐又溫左英文默書，心癢癢就即興去南昌公園玩。呢個公園，網上都多人讚揚，地點勁近鐵路站，又有大草地，好岩放電，我今日去到，仲有一個大大既優點就係個大草原好近個兒童遊樂場。仲要有鞦韆，有BB安全類別&小朋友類別，夠晒大眾化，小姐一見到鞦韆雙眼發晒光，一野衝左去玩😆😆😆

玩左足足三個鐘，下次要早啲過去❤️❤️

                                

 #南昌公園 #今日好涼爽
#在職mama好地坊 #玩

我好嬲

細果件！返到黎做完功課話要睇一陣電視，咁好啦都要休息一下，話睇到六點，睇完又同我講價！大姐幾點呀下！睇睇睇！！！我返到黎都冇休息啦！

叫你沖涼又慢吞吞，由自己間房行去沖涼房到好似行左幾十米咁，唔知以為屋企成萬尺呀！行咁Q耐都未行到入去！嬲！仲問我今日洗唔洗-洗頭😤😤大姐，你尋日有冇洗呀，冇洗咪今日洗囉！唔洗咪唔好洗囉個頭臭關我咩事！沖好涼沖到成地水，原來冇閂門，團火真係去到頂點都算。咁拖番乾佢囉！！

到個大既 收工，叫左你上左車打比我呀啦！我要預時間煮飯呀大少，唔打ka!去到就黎到話先打黎話唔Q記得打，唔記得打定掛住打機呀成程車！！火都黎！

我早過你地出門口，由朝做到晚，好好玩ka!下！！😤😤

比屋企果兩隻野激到上心口，細既又係咁，大又係咁，好拿嬲！

我決定唔煮飯呀！將啲菜肉放番晒入雪櫃，你地兩個人一齊食白飯啦今晚！好拿嬲！
我每日都為左你地爭取每分每秒，你兩條友就不停浪費我既時間，我將我青春奉獻左比你兩條友，你兩個可唔可以合作一下呀！唔係既，係到嘥晒我啲時間！！！

我煮飯係為大家，你地只係做番自己應該既責任！！兩條友整係識氹氹氹，冇用囉！唔煮就唔煮，你兩個今晚自己搞掂同反省下！！我入房上網打機唔好！為乜野要比你兩個浪費我既寶貴光陰！！

✨雖然見到佢兩個人齊扁嘴道歉果時好想笑，但要忍住，唔發火唔知錯，成日都係到揮霍我對你地既好呀喇😤😤😤😤

#嬲到頂點 #罷工 #罷煮
#唔彩佢兩條友仔
#在職媽媽 #在職mama好地坊

🎆🎆即慶去看煙花🎆🎆

話說尋日.....🎈🎈

小姐：「媽咪，今日係咪會放煙花呀？我好想睇呀！」

在職mama:「係呀，你又知既？」

小姐：「我睇電機講ka!」

在職mama:「咁好啦，你又未睇過，今日跳舞班又早左開始，出到尖東應該趕得切睇既。」

19:30跳完舞，小姐換好衫，再食啲啲野就衝去搭車睇煙花，去到尖東都20:40

靚既位已經冇晒，雖然遠一遠咁睇，又睇唔晒個景又有勁多野擋住晒，但現場睇，氣氛真係唔錯喎👍🏻👍🏻👍🏻

小姐好開心，我望住佢睇煙花既樣，我有啲啲感動☺️☺️因為我同小姐又有一樣新既經歷：「一齊現場睇煙花」😊

結果睇完返到屋企沖好晒涼都23:00💤💤💤💤好眼訓💤💤💤