前日係 我家 大爺既生日, 一個月前我就已經係到諗,同佢點慶祝好呢??
雖然生日當天係假期,但係第二日我地要返工,唔想去得太遠, 玩得太夜 (而且知道呢4日假期應該會玩到好盡)
所以想假期最後一日玩得舒適D, 輕鬆D, 但又要夠特別,又要夠難忘..........唉!!!真係前世欠左呢個男人呀!
終於比我搵到....Crystal Bus 水晶巴士, 架巴士3月中開始服務 , 係香港唯一首創提供全程大約2.5小時左右既 觀光 x 美食 之旅
我地參加左下午 A 團, 12:15 (要提早20分鍾到達上車地點) 尖沙咀漢口道(YMCA隔離,半島酒店後街, 港鐵尖東L3 出口)
當時巴士上職員姐姐解釋番因為假日多人,而且巴士提供既係4人或 2 人位置,所以3人的話就唯有咁樣安排,當日有4 組家庭都受影響,初初當然有點兒唔高興啦
,但係聽完職員姐姐既解釋之後,大家都乖乖咁接受左呢個座位安排 (可能大家都明白職員姐姐都好難做,而且亦唔想破壞當日既好心情,大家出黎玩,都係想開心0者,係咪先~)
愉快旅程即將開始~~~~
開車前,職員派發一支支既飲品& 零食 比大家, 就準備開始出發
沿途每經過一個景點都有廣播介紹, 大家都左扭扭右扭扭去欣賞我地一個熟悉既香港,平時大家搭巴士,一係訓覺,一係低頭玩電話,一係遇到飛車手司機一支箭咁,完全唔會太欣賞車外風景,就算日日睇同一個景,都未必知道佢既來由,歷史,內容...
慢慢地...車廂內既氣氛打成一片,至少我地一家3 口同對面台既一家三口開始有交流,大家都講番座位既安排的確有改善既空間,但由開車到呢一刻都係開心.
去到旺角中段,就開始派野食喇~~~係中式點心,味道? 春卷好味估唔到仲好脆喎,但...燒賣咸左D喎~其他都屬正常味道. 一邊食住蝦餃, 一邊搭巴士, 肆無忌憚咁係巴士上面食野,仲要係食點心!! 哈哈~~~
水晶巴士會停一個景點,果日天氣好好好好好好好到不得了, 中環既白色摩天輪變得更不一樣
而且巴士提供一塊塊BRING BRING閃閃牌比大家 同 架巴士 大合照
大約15-20分鐘後就上番車,繼續愉快旅程. 可能當日天氣太好,都幾熱KA,當職員派發甜品--芒果糥米池都覺得特別好食
巴士另一個特別之處就係一入隧道,車內就會亮起浪漫紫燈.....但係.....係一個咁浪漫既情景下,呢兩父女..........唉!!!冇眼睇, !!!真失禮 =.=!
**後記: 整體都好滿意呢一次巴士旅程,值唔值呢個價錢就好睇大家既價值觀 ,如果有興趣我都覺得黎緊假期,或者暑假都岩玩, 嘆住冷氣認識下香港都係一個唔錯既選擇
*飲品( 任飲) *零食(應該任食,見大家問職員拎都無拒絕過)
上佢地個網頁見到 俾錢 $$ 前輸入 優惠碼 HK8888 就有75折優惠, 至到8月30日
有關水晶巴士資料:
下午A團：每日12:15-14:45
下午B團：每日15:15-17:45
途經景點：
半島酒店、文化中心、太空館、彌敦道、清真寺、廟街、中環天星碼頭、摩天輪、皇后像廣場、政府總部、會展、金紫荊廣場、廣東道、青馬大橋、青嶼幹線觀景台等 , 包一個下車觀光景點（A團為中環摩天輪；B團為青嶼幹線觀景台），拍照留念
美食：由榮獲米芝蓮星級的餐飲合作夥伴提供中式點心
下午B團：每日15:15-17:45
途經景點：
半島酒店、文化中心、太空館、彌敦道、清真寺、廟街、中環天星碼頭、摩天輪、皇后像廣場、政府總部、會展、金紫荊廣場、廣東道、青馬大橋、青嶼幹線觀景台等 , 包一個下車觀光景點（A團為中環摩天輪；B團為青嶼幹線觀景台），拍照留念
美食：由榮獲米芝蓮星級的餐飲合作夥伴提供中式點心
網址: https://www.crystalbus.com.hk/tc/
